મહિલાઓને આત્મનિર્ભર બનાવવાના DICFના ઉમદા ઉદ્દેશ્યને જંગી પ્રતિસાદ

869

કોરોનાના કપરા કાળમાં પણ હીંમત,સાહસ અને પ્રતિભાના જોરે ખુબ લડી મર્દાની,સુરતની ઉધમ સાહસિક સન્નારી

DIAMOND TIMES –  શુભ ઇરાદા સાથે ઇમાનદારીથી કોઇ પણ સેવાકાર્ય શરૂ કરવામાં આવે તો લોકો તરફથી ભરપુર સહયોગ મળે જ છે.આ બાબત ડાયમંડ ઈન્ડસ્ટ્રી કરિયર ફાઉન્ડેશનના ઉત્સાહી પ્રમુખ-હોદ્દેદારો અને સેવાભાવી સંસ્થાઓએ ફરી એક વખત સાબિત કરી દીધી છે.ડાયમંડ ઈન્ડસ્ટ્રી કરિયર ફાઉન્ડેશન(DICF), મુસ્કાન ફેમિલી ચેરી ટેબલ ટ્રસ્ટ અને મુસ્કાન કામધેનુ મહિલા મંડળના સંયુક્ત ઉપક્રમે એક પહેલ,એક પ્રયાસ કાર્યક્રમ અંતર્ગત મહીલા ઓને આત્મનિર્ભર બનાવવાના શુભ અને ઉમદા ઉદ્દેશ્ય સાથે આયોજીત કરેલા બે દિવસીય એક્ઝિબિશનને સહુના સહીયારા પ્રયાસ થકી ઝળહળતી સફળતા મળી છે.

આ આયોજન અંગે DICFના પ્રમુખ નિલેશ બોડકી અને મુસ્કાન ફેમિલી ચેરીટેબલ ટ્રસ્ટના પ્રમુખ રાકેશભાઈ દાઢીએ કહ્યુ કે કોરોનાના કપરા કાળમાં પણ હીંમત, સાહસ અને પ્રતિભાના જોરે લડેલી મર્દાની સુરતની ઉધમ સાહસિક સન્નારીઓ વ્યવસાયમાં આગળ વધે અને મજબુત પ્લેટફોર્મ પ્રાપ્ત થાય તેમજ એક રૂપિયાની વસ્તુનો એક ડોલરની કીંમતે વેપાર કરતી થાય તે હેતુસર પટેલ સમાજની વાડી, મિની બજાર સુરત ખાતે આયોજીત બે દિવસીય પ્રદર્શનમાં 80 સ્ટોલ ફાળવવામાં આવ્યા હતા.જેમા અવનવા પ્રકારની રાખડીઓનો ખજાનો, હેન્ડલુમ,કપડા હેન્ડીક્રાફ્ટ અને ગૃહ ઉદ્યોગની વિવિધ વસ્તુઓનું પ્રદર્શન કમ વેંચાણ કરવામાં આવ્યુ હતુ.જેમા બે દિવસમાં 8 લાખ 93 હજારનો વેપાર થયો હતો.

પ્રદર્શનની મુખ્ય હાઈલાઈટ્સ
 –  ડાયમંડ કીંગ સવજીભાઈ ધોળકીયાના મોટાભાઈ હીંમતભાઈ તરફથી દરેક પ્રત્યેક ગંગા સ્વરૂપ મહીલા ઓને પ્રોત્સાહન સ્વરૂપે રૂપિયા 21000નો આર્થિક સહયોગ, કુલ 11 મહીલાઓને આપી 2.31 લાખની રાશી
–  હજારો દીકરીઓના પાલકપિતા મહેશભાઈ સવાણીના હસ્તે લાઈવ કુકીંગ શો નું થયુ હતુ આયોજન
–  સવાણી પરિવાર તરફથી માતા કે પિતા વગરની 100 દિકરીઓને વિના મુલ્યે કુંકીગ શો ના આયોજન પેટે – 75000/- નો મળ્યો આર્થિક સહયોગ.
– યુરો ફુડના મનહરભાઈ સાચપરા તરફથી રૂપિયા 25000/- નો આર્થિક સહયોગ
– ગ્લોસ્ટાર ડાયમંડ કંપનીના માલિક કેશુભાઈ ગોટી તરફથી રૂપિયા 25000/- નો આર્થિક સહયોગ
– આઈએમ લોજીસ્ટીક તરફથી રૂપિયા 25000/- નો આર્થિક સહયોગ
– મુસ્કાન ટ્રસ્ટના ઘનશ્યામભાઈ જાદવાણીએ દરેક સ્ટોલ ધારક બહેનોને 1100 રૂપિયાની પ્રોત્સાહીક રાશી એનાયત કરી
– સંદીપભાઈ સાચપરા તરફથી 77 સ્ટોલ ધારક બહેનોને સાડીની ભેટ આપવામાં આવી હતી.
–  બે દિવસમાં 8 લાખ 93 હજારનો થયો વેપાર
–  20 રાખડીઓના સ્ટોલમાં બે દિવસમાં 2 લાખથી વધુ રાખડીઓનું વેંચાણ
–  શનિવારે 1300 અને રવિવારે 3300 એમ બે દીવસમાં કુલ 4600 લોકોએ લીધી પ્રદર્શનની મુલાકાત